Ընդհանուր տեղեկություններ
Այժմ, երբ ավարտել եք Drupal 8-ի տեղադրումը, կարող եք հավելյալ հնարավորություններ ավելացնել ձեր կայքին՝ տեղադրելով մոդուլներ կամ կարող եք կարգավորել ձեր կայքի արտաքին տեսքն ու ոճը՝ տեղադրելով թեմաներ։
Drupal միջուկի ստանդարտ տեղադրումը սահմանափակված է ֆունկցիոնալությամբ և բավականին պարզ տեսք ունի։ Սակայն Drupal-ը մշակվել է մոդուլային սկզբունքով՝ թույլ տալով հեշտորեն ընդլայնել այն մոդուլներով և թեմաներով։
Drupal.org-ում հասանելի բազմաթիվ մոդուլներն ու թեմաները կոչվում են «նախագծեր», և բոլորն անվճար են։ Նրանք հաճախ կոչվում են «contrib», որովհետև դրանք ներկայացվել են նույն համայնքի անդամների կողմից, ինչ դուք։
Շատ դեպքերում կտեսնեք, որ ինչ-որ մեկը արդեն գրել և վերբեռնել է Drupal.org, մի նախագիծ, որը հենց այն է, ինչ դուք փնտրում եք։
Մոդուլ կամ թեմա գտնելու և դրանք ձեր կայքում ներմուծելու գործընթացը հիմնականում նույնն է մոդուլների և թեմաների համար։
Մոդուլներ
Մոդուլները ապահովում են ձեր կայքի ֆունկցիոնալությունը, իսկ «կենտրոնական մոդուլները», որոնք ներառված են ստանդարտ տեղադրությունում, տրամադրում են հիմնական բոլոր գործառույթները, որոնք անհրաժեշտ են կայքերի մեծամասնությանը։
Այնուամենայնիվ, որոշ կենտրոնական մոդուլներ լռելյայն չեն միացված։ Ուստի կարող եք ուսումնասիրել ձեր կայքի «Ընդլայնել» էջի մոդուլների ցուցակը՝ տեսնելու համար, արդյոք փնտրած որևէ գործառույթ հասանելի է արդեն չմիացված կենտրոնական մոդուլով, նախքան ժամանակ ծախսել contrib մոդուլների ուսումնասիրության վրա։
«Drupal 8 մոդուլների տեղադրում» էջը բավականին ամբողջական ուղեցույց է սկսնակների համար։ Այն պարունակում է օգտակար տեղեկություններ ոչ միայն contrib մոդուլների, այլև Drupal միջուկի մոդուլների մասին։
Թեմաներ
Եթե ձեր հիմնական հետաքրքրությունը նոր թեմա տեղադրելն է, «Drupal մոդուլների տեղադրում» էջում կան մանրամասն ցուցումներ՝ ինչպես գտնել և ներմուծել նախագիծ, լինի դա մոդուլ, թե թեմա։ Ընթացիկ «Drupal թեմաների տեղադրում» էջը դեռ անավարտ է, բայց կարող եք շարունակել այն ուսումնասիրել ձեր թեման կայքում ներմուծելուց հետո։
Հատուկ նախագծեր
Դուք չպետք է ուղղակիորեն փոփոխեք կենտրոնական մոդուլները կամ թեմաները, քանի որ այդ փոփոխությունները կգրվեն վերևից նոր անվտանգության թարմացումների կամ սխալների շտկումների ժամանակ, որոնք թողարկվում են ամեն ամիս կամ մոտավորապես։ Փոխարենը դուք պետք է գտնեք համապատասխան contrib նախագիծ, որը տրամադրում է ձեր ուզածը, կամ ստեղծեք ձեր սեփական նախագիծը։
Լրացուցիչ տեղեկությունների և գոյություն ունեցող նախագծերի մշակում կամ կարգավորման մասին տեղեկանալու համար այցելեք՝
- Մոդուլներ՝ Drupal մոդուլների մշակում
- Թեմաներ՝ Drupal թեմատիկա և ինտերֆեյսի մշակում
Ուշադրություն
Պահպանեք ձեր կայքի բակափունջը և ստուգեք պահուստը, որպեսզի համոզվեք, որ այն աշխատում է, նախքան օգտագործել նախկինում չօգտագործած մոդուլը, հատկապես եթե դա «Այլ թողարկում» կամ «Զարգացող թողարկում» է, որը դեռ չի համարվում կայուն։
Մինչ օգտագործեք contrib մոդուլը, որը նախկինում չեք օգտագործել, նախ պետք է պահուստավորեք ձեր կայքը, հատկապես ձեր տվյալների բազան՝ գրանցելով նաև այն Drupal միջուկի տարբերակը, որը կապված է տվյալ բազայի հետ։
Բացի այդ՝ շատ կարևոր է միշտ փորձարկել contrib մոդուլը փորձնական (կամ «զարգացման») կայքում, ոչ թե գործող կայքում, որպեսզի կանխել հնարավոր վնասները, եթե մոդուլը վնասի ձեր կայքը։
Drupal’s online documentation is © 2000-2020 by the individual contributors and can be used in accordance with the Creative Commons License, Attribution-ShareAlike 2.0. PHP code is distributed under the GNU General Public License.