PHP Դասեր - Դաս 7 - PHP ֆունկցիաներ և ֆունկցիոնալ ծրագրավորում

Կարծում եմ մենք արդեն բավականին մոտեցել ենք այն պահին, երբ... երբ արդեն կարելի է սկսել ծրագրավորել։ Այս դասից հետո դուք արդեն կարող եք ասել, որ ծրագրավորել եք PHP-ով։ Բավականին հաճախ անհրաժեշտ է գրել կոդ, որը պետք է կրկնվի այլ էջերում կամ այլ .php ֆայլերում։ Որպեսզի այդ կոդը չկրկնվի բազմիցս՝ PHP-ում կան ֆունկցիաներ։

Ֆունկցիան անկախ կոդի բլոկ է, որը կատարում է որոշ գործողություններ։ Նման ֆունկցիաներ մենք հանդիպել ենք նախորդ դասերում՝

• time() – վերադարձնում է վայրկյանների քանակը Unix ժամանակահաշվարկի սկզբից։
• print(), echo() – արտածում են html տեքստ։
• floor() – կոտորակային թվից վերադարձնում է ամբողջ մասը։

Ինչպես նկատեցիք՝ ֆունկցիաները գրանցվում են երկու փակագծերի միջոցով՝ անուն()։ Անվանման կանոնները նույնն են, ինչ փոփոխականների համար։ Միակ տարբերությունն այն է, որ ֆունկցիաները չեն օգտագործում $ նշանը։

Ֆունկցիայի կառուցվածք

<?php
function plus_one($x){  // ֆունկցիայի հայտարարում
  $x = $x + 1;           // ֆունկցիայի մարմին
  return $x;             // վերադարձվող արժեք
}

$y = 1;
$y = plus_one($y);       // ֆունկցիայի կանչ
print $y;
?>

Ֆունկցիայի անուն

1. Պետք է սկսվի տառով կամ ընդգծումով (_)
2. Կարող է պարունակել միայն տառեր, թվեր և ընդգծում
3. Չպետք է պարունակի բացատներ։ Բազմաբառ անունները կարող են գրվել my_function() կամ myFunction() տեսքով։

Ֆունկցիա հայտարարելու համար օգտագործվում է function բանալի բառը։

Ֆունկցիայի մարմին

Ֆունկցիայի ներսում գրվում են գործողությունները։ Դրանք փակվում են {} ֆիգուր փակագծերում։

Վերադարձվող արժեք

return բառից հետո գրվում է այն արժեքը, որը ֆունկցիան պետք է վերադարձնի։ Այդ արժեքը կարող է վերագրվել փոփոխականի կամ անմիջապես օգտագործվել։

Ֆունկցիայի պարամետրեր

Դրանք այն փոփոխականներն են, որոնք գրվում են անունից հետո փակագծերի մեջ։ Կարող են լինել մի քանիսը՝ բաժանված ստորակետով։

<?php
function myFunction($x1, $x2, $x3){

}

$y = myFunction($z, 34, 'Բարև, աշխարհ');
?>

Եթե կանչելիս պարամետրերի քանակը չի համապատասխանում, կստացվի սխալ։

Օրինակ՝ մաթեմատիկական ֆունկցիա y = -2x + 4

<?php
function myFunction($x){
  $y = -2 * $x + 4;
  return $y;
}

$z1 = myFunction(1);
$z2 = myFunction(2);
$z3 = myFunction(3);
print $z1 . '<br />' . $z2 . '<br />' . $z3;
?>

Արդյունքը՝ -2, 0, 2։ Այս օրինակից պարզ է դառնում ֆունկցիայի աշխատանքը։

Ֆունկցիոնալ ծրագրավորում

Ֆունկցիոնալ ծրագրավորման հիմքում կանգնած են ֆունկցիաները։ Յուրաքանչյուր ֆայլ կարող է պարունակել տասնյակ ֆունկցիաներ։ Ինչպես կառավարել այդ քանակը՝ պարզ է։ Օրինակ՝

<?php
function incr($x){
  $x++;
  return $x;
}

function decr($y){
  $y--;
  return $y;
}

$z = 0;
$z = incr($z);
$z = incr($z);
$z = incr($z);
$z = incr($z);
$z = decr($z);
print $z;
?>

Արդյունքը կլինի 3։ Եթե տեղափոխենք ֆունկցիաները ներքև՝ ոչինչ չի փոխվի։ PHP-ն կգտնի ֆունկցիան՝ անկախ գտնվելու վայրից։

Ֆունկցիաները տեղափոխենք ֆայլեր

decr.php

<?php
function decr($y){
  $y--;
  return $y;
}
?>

incr.php

<?php
function incr($x){
  $x++;
  return $x;
}
?>

index.php

<?php
include 'incr.php';
include 'decr.php';

$z = 0;
$z = incr($z);
$z = incr($z);
$z = incr($z);
$z = incr($z);
$z = decr($z);
print $z;
?>

Արդյունքը՝ 3։ Այժմ հնարավոր է կազմակերպել կոդը՝ ֆունկցիաները դնելով առանձին ֆայլերում։

PHP-ում ֆունկցիոնալ ծրագրավորման հնարավորությունները այսքանով չեն ավարտվում։ Հաջորդ դասերում կշարունակենք ուսումնասիրել թեման։