Drupal-ի լրացուցիչ գործիքներ

Ինչպիսի՞ գործիքներ կան կայքաշինարարների համար:

Կան մի քանի լրացուցիչ գործիքներ, որոնք օգնում են կայքերն արագ, ճշգրիտ և ավելի քիչ ջանքով ստեղծել։

Drush

Տեսեք ստորև՝ հրամանային տողի գործիքների մասին։

Git

Տեսեք ստորև՝ տարբերակների կառավարման գործիքների մասին։

Composer

Տեսեք ստորև՝ Composer-ի մասին։

Devel

Devel մոդուլը (contributed) օգնում է զարգացման խնդիրների լուծմանը, ինչպիսիք են debug-ը, կոդի ուսումնասիրությունը և փորձնական բովանդակության գեներացումը։

Ի՞նչ են հրամանային տողի գործիքները։

Հրամանային տողի գործիքները ադմինիստրատիվ ինտերֆեյսը շրջանցելու այլընտրանք են՝ կայքի տարբեր գործողություններ իրականացնելու համար։ Շատ կայքաշինարարներ և սպասարկողներ ժամանակ են ներդնում այդ գործիքները սովորելու և տեղադրելու համար, քանի որ՝

• Ադմինիստրատիվ գործողությունները սովորաբար ավելի արագ և ավելի քիչ միապաղաղ են հրամանային տողով, քան ինտերֆեյսում։
• Կարող եք սցենարներ (script-եր) գրել՝ կայքին վերաբերող հրամանները համադրելով սերվերի այլ հրամանների հետ՝ ավտոմատացնելով ավելի բարդ գործողություններ։
• Հրամանային տողի գործիքները տրամադրում են լրացուցիչ ֆունկցիոնալություն, որը ադմինիստրատիվ ինտերֆեյսում չկա։ Օրինակ՝ տվյալների բազայի հարցումներ։

Ամենահայտնի գործիքը Drush-ն է։ Drush-ը հրամանային տողի ինտերֆեյս է ու սցենարների գործիք, որը արագացնում է տարածված խնդիրների լուծումը ծրագրավորողների, կայքաշինարարների և DevOps թիմերի համար։ Այս ուղեցույցը փաստաթղթավորում է Drush-ի վերջին կայուն տարբերակի հրամանները՝ բազմաթիվ գործողությունների համար։ Նախորդ տարբերակների հրամանները կարող եք գտնել Drush-ի փաստաթղթերում։

Այս գործիքները օգտագործելու համար պետք է ունենաք հրամանային տողի մուտքի հնարավորություն այն միջավայրում, որտեղ հյուրընկալվում է ձեր կայքը, ինչպես նաև պետք է նախապես տեղադրեք Composer՝ Drush-ը տեղադրելու համար։

Drush-ը տեղադրելու համար՝ նախ համոզվեք, որ ձեր նախագիծը կախվածությունները կառավարում է Composer-ով։ Տես ստորև՝ Composer-ի մասին։ Ապա օգտագործեք այս հրամանը՝

# Տեղադրել Drush

composer require drush/drush

Ի՞նչ է տարբերակների կառավարման համակարգը (Version Control System):

Տարբերակների կառավարման համակարգը ծրագրային ապահովում է, որը պահում է ֆայլերի և վերանայումների պատմությունը պահոցում (repository) և թույլ է տալիս ավելացնել, ջնջել և թարմացնել ֆայլեր։ Կայքի նախագծի համար տարբերակների վերահսկման համակարգը կօգնի՝

• Փորձարկել լոկալ, մինչև ֆայլերը տեղադրեք կենդանի կայքում
• Դիտել, համեմատել և վերադարձնել նախորդ տարբերակներին
• Դիտել փոփոխված/ավելացված/ջնջված ֆայլերը նախքան դրանք հաստատելը (commit) պահոցում
• Միավորել թիմի տարբեր անդամների փոփոխությունները
• Կապված պահել ֆայլերն ու կարգավորումները լոկալ և կենդանի կայքերի միջև

Կան բազմաթիվ սեփականատիրական և բաց կոդով տարբերակների կառավարման համակարգեր։ Ամենահայտնիներից է Git-ը՝ բաց կոդով լուծում, որը աշխատում է գրեթե բոլոր համակարգչային հարթակներում։ Git-ը բաշխված համակարգ է, որը թույլ է տալիս ունենալ պահոցի մեկ կամ ավելի պատճեն, և միայն երբ պատրաստ եք, փոփոխությունները հրելով (push) ավելացնել նշված հիմնական պահոցում (canonical)։ Պահոցը կարող է լինել ձեր համակարգչում կամ սերվերում, սակայն շատ նախագծեր և օգտվողներ իրենց Git պահոցներն օգտագործում են երրորդ կողմի ծառայություններ՝ GitLab կամ GitHub։

Ի՞նչ է Composer-ը և ինչի՞ համար է այն:

Composer-ը գործիք է՝ PHP կախվածությունները կառավարելու համար, որտեղ մշակողը նշում է, թե որ գրադարանի որ տարբերակն է պետք, իսկ Composer-ը ավտոմատ ներբեռնում և տեղադրում է անհրաժեշտ գրադարանները։

Composer-ը կարելի է տեղադրել լոկալ զարգացման միջավայրում կամ վեբ սերվերում, բայց հաճախ արդեն ներառված է Drupal-ի զարգացման գործիքների փաթեթներում։

Հիմնական համակարգը հիմնական օգտվողն է Composer-ի, քանի որ օգտագործում է մի շարք արտաքին գրադարաններ, որոնք պետք է ներբեռնվեն ու տեղադրվեն հիմնական համակարգի աշխատանքի համար։ Եթե տեղադրում եք հիմնական համակարգը, պետք է կամ ներբեռնեք արխիվ, որը պարունակում է արտաքին գրադարանների համատեղելի տարբերակները, կամ պետք է գործարկեք Composer՝ գրադարանները ներբեռնելու համար։ Drush-ի հրամանային տողի գործիքը նույնպես ներբեռնվում է Composer-ով։

Որոշ հավելյալ (contributed) մոդուլներ նույնպես օգտագործում են արտաքին գրադարաններ։ Օրինակ, Facebook ինտեգրման մոդուլը կարող է պահանջել Facebook-ի գրադարանի տեղադրում, իսկ աշխարհագրական մոդուլը՝ աշխարհագրական ֆունկցիաների ստանդարտ գրադարան։ Այդպիսի մոդուլ տեղադրելու համար պետք է աշխատեցնեք Composer։

Ի՞նչ գործիքներ կան մոդուլների և թեմաների մշակողների համար։

Բացի վերը նշված կայքաշինարարական գործիքներից, հետևյալ գործիքները օգտակար են մոդուլների և թեմաների մշակողների համար։

Drush

Drush-ը հրամանային տողի գործիք է, որը կարող է գեներացնել նախատիպ կոդ (boilerplate), կապ հաստատել Drupal կայքի հետ։ Կարող է, օրինակ, գեներացնել բլոկ կամ ձևի կոդ, տեղադրել մոդուլներ և թեմաներ, մաքրել քեշը, ստեղծել փորձնական բովանդակություն։

Coder

Coder-ը հրամանային տողի գործիք է, որը ստուգում է՝ արդյոք ձեր մոդուլներն ու թեմաները համապատասխանում են կոդի ստանդարտներին և լավագույն փորձերին։ Կարող է նաև ուղղել ստանդարտի խախտումները։

Բրաուզերի debug գործիքներ

Վեբ-բրաուզերներ՝ ինչպես Firefox և Chrome, ներառում են գործիքներ՝ CSS, HTML և JavaScript տեսնելու, խմբագրելու, debug անելու և հետևելու համար։ Կարող եք բացել debug պատուհանը՝ աջ կտելով էջի վրա ու ընտրելով «Inspect» կամ «Inspect element»։

Հոդվածը՝ Drupal User Guide։ Հեղինակներ՝ Boris Doesborg, Jennifer Hodgdon և Joe Shindelar (Drupalize.Me)։ Որոշ հատվածներ՝ "Introduction to Git" նյութից։