Մոդուլային բովանդակություն
Ի՞նչ է մոդուլային բովանդակությունը (modular content)
Քանի որ ձեր կայքի բովանդակությունը պահպանվում է տվյալների բազայում, ցանկալի է, որ բովանդակությունը լինի մոդուլային։ Սա նշանակում է, որ որոշ էջեր ամբողջությամբ ձեռքով խմբագրելու փոխարեն, ավտոմատ կերպով գեներացվում են այլ բովանդակության տարրերից։ Օրինակ՝ շուկայի կայքի համար կարող եք ստեղծել առանձին բովանդակության տարրեր՝ բաղադրատոմսերի համար։ Եթե բաղադրատոմսերը ունեն դաշտ, որտեղ նշվում են բաղադրիչները, ապա կայքում կարող եք ստեղծել համակցված (կոմպոզիտ) էջ, որը ցուցադրում է բաղադրատոմսերը և թույլ է տալիս այցելուներին որոնել բաղադրիչով։
Էջերի փոքր հատվածներն էլ կարող են գեներացվել որպես կոմպոզիտ։ Օրինակ՝ բաղադրատոմսի տարրը կարող է ունենալ դաշտ, որտեղ նշվում է՝ որ վաճառողն է ներկայացրել բաղադրատոմսը (տե՛ս 6.4. “Կոնցեպցիա․ Հղման դաշտեր”)։ Վաճառողի տվյալները խմբագրվում են առանձին vendor բովանդակության տարրում։ Սա թույլ կտա ձեր կայքում հետևյալը․
- Յուրաքանչյուր Recipe էջում կարող է լինել հատված, որտեղ երևում է այն վաճառողի մասին տեղեկատվությունը, ով ներկայացրել է տվյալ բաղադրատոմսը (օրինակ՝ անուն, տաղավարի համար և այլն)։
- Յուրաքանչյուր վաճառողի էջում կարող է լինել ցուցակ՝ իրենց ներկայացրած բաղադրատոմսերով։
Հիմնական գաղափարն այն է, որ յուրաքանչյուր տեղեկատվության կտոր խմբագրվում է միայն մեկ վայրում։ Երբ վաճառողի տվյալները թարմացվում են, բոլոր բաղադրատոմսերի էջերը, որտեղ երևում են այդ տվյալները, նույնպես ավտոմատ թարմացվում են։ Երբ վաճառողը ներկայացնում է բաղադրատոմս, այն անմիջապես երևում է վաճառողի էջում։ Core Views մոդուլն ամենատարածված միջոցն է մոդուլային բովանդակությամբ կոմպոզիտ էջեր և էջի հատվածներ ստեղծելու համար։ Լրացուցիչ՝ տե՛ս “Կոնցեպցիա․ Views-ի կիրառումներ”։
Հոդվածը՝ Drupal User Guide-ից։ Գրված է Jennifer Hodgdon կողմից։