Drupal - Օգտատերեր, դերեր, թույլտվություններ
Յուրաքանչյուր Drupal-ով կառուցված կայքում գոյություն ունի սուպերօգտվող (superuser), որի մուտքանունն ու գաղտնաբառը Դուք նշում եք տեղադրման ժամանակ։ Այդ մուտքանունը և գաղտնաբառը պետք է անպայման հիշել, քանի որ դրանք անհրաժեշտ են Drupal-ի կարգավորումների համար։ Սովորաբար այդ օգտվողի մուտքանունը լինում է Admin։ Սուպերօգտվողի համար սահմանափակումներ չկան՝ նա կարող է ջնջել ցանկացած մեկնաբանություն, խմբագրել ցանկացած բովանդակություն՝ ցանկացած տեղում։ Նա կարող է նաև սահմանափակել մյուս օգտվողների գործողությունները։
Ընտրեք ադմին մենյուի կետը՝ Օգտվողների կառավարում → Թույլտվություններ։
Այս բաժնում հնարավոր է կարգավորել յուրաքանչյուր օգտվողի հնարավորությունները։ Լռելյայն օգտագործվում են երկու խումբ՝ անանուն օգտվողներ և գրանցված օգտվողներ։
Drupal Ռոլեր
Անանուն և գրանցված օգտվողները համարվում են ռոլեր։ Մենք կարող ենք ավելացնել նոր ռոլեր։ Օրինակ՝ ավելացնենք «մոդերատոր» ռոլ, որը տարբերվելու է գրանցված օգտվողից նրանով, որ կարող է խմբագրել և ջնջել նյութերն ու մեկնաբանությունները։ Ընտրում ենք՝ Օգտվողների կառավարում → Ռոլեր։
Ավելացնում ենք «Մոդերատոր» անունով ռոլ։ Դրանից հետո այն կհայտնվի Օգտվողների կառավարում → Թույլտվություններ բաժնում։ Տվյալ ռոլի համար ավելացնում ենք այն նույն թույլտվությունները, ինչ գրանցված օգտվողը ունի՝ հավելելով նաև մեկնաբանությունների և node մոդուլի լիազորությունները։
Այժմ ավելացնենք օգտվող՝ մոդերատորի ռոլով։ Ընտրում ենք՝ Օգտվողների կառավարում → Օգտվողներ → Ավելացնել օգտվող։
Այժմ օգտվողների ցանկում կհայտնվի մոդերատորը, որի մուտքանունն ու գաղտնաբառը կարող եք օգտագործել կայք մուտք գործելու համար։
